Baş mühəndis
vakansiya — 2024

Namizəd üçün tələb olunan xarakteristikalar :

• Layihələrin sahədəki tikinti fəaliyyətinə rəhbərliyi həyata keçirmək,
• Tikinti fəaliyyətinin layihəyə və texniki spesifikasiyalara uyğun həyata keçirilməsini təmin etmək;
• Tabeçiliyində olan işçi heyətini və subpodrat şirkət heyətini layihə hədəfi doğrultusunda idarə etmək;
• Müəyyən edilmiş vaxt ərzində obyektlərin təhvil verilməsi planını və tikinti-quraşdırma işlərinin kəmiyyət və keyfiyyət göstəricilərinə əsasən yerinə yetirilməsini, layihə sənədlərinə, tikinti norma və qaydalarına, texniki şərtlərə və başqa normativ sənədlərə əməl olunmasını təmin etmək;
• Obyektlərin inşası üçün texniki sənədləşmənin əldə edilməsini təmin etmək;
• Materiallar, konstruksiyalar, detallar (hissələr), alətlər, inventar və s. əldə edilməsi üçün sifarişlər hazırlanmasına nəzarət və onlardan səmərəli istifadə olunmasını təmin etmək. Görülmüş işlərin hesabatını aparmaq, texniki sənədləşməni tərtib etmək;
• Sahəni həmişə nəzarətdə saxlamaq, o cümlədən tikinti işləri ilə, heyətlə, layihə dəyişikliyi ilə bağlı problemlərinin aradan qaldırılmasını vaxtında və effektiv formada həyata keçirmək;
• Layihələri oxumaq, layihədə olan konstruktiv və texnoloji xətaları aşkar etmək,
• Tikintinin strukturunu formalaşdırmaq, sistemini qurmaq, mərkəzi ofisi və layihələrlə effektiv koordinasiyalı işləmək;
• Rəhbəri olduğu sahədə təhlükəsiz iş şəraitinin qurulmasını və davamlılığını təmin etmək;
• Smetaların hazırlanmasına nəzarət etmək;
• Təmir-tikinti işləri üçün zəruri olan inşaat materiallarının qiymət və keyfiyyətinə görə seçilməsində iştirak etmək.

İş şəraiti:

• 6 günlük iş həftəsi
• Rabitə xərcləri şirkət tərəfindən ödənilir
• Əmək haqqı təhsil, iş stajı, iş bacarığı və s. nəzərə alınmaqla qarşılıqlı razılaşma əsasında müəyyən olunacaq

Namizəd üçün tələblər

• Ali təhsil (İnşaat mühəndisliyi);
• İnşaat sahəsində rəhbər vəzifədə minimum 10 il iş təcrübəsi;
• Kompüter bilikləri – Microsoft Office, Autocad proqramlarını mükəmməl səviyyədə bilmək.
• Azərbaycan dili mükəmməl, rus və ingilis dillərini yaxşı səviyyədə bilməsi arzuolunandır;
• Problem həlletmə, analitik düşünmə qabiliyyəti;
• İşgüzar ünsiyyət bacarığı;
• İşin vaxtında və keyfiyyətli təhvil verilməsi, səliqəli, diqqətli, müstəqil və komanda şəklində işləmək bacarığı.

Vakansiyaya müraciət üçün CV-ləri (şəkil ilə) “Baş mühəndis” mövzusu ilə khayyam.asgarov@gmco.az  e-mail ünvanına göndərməyiniz xahiş olunur.