İnsan Resursları şöbəsinə təcrübəçi
vakansiya — 2024

Müraciət üçün linkə daxil olun: https://hr.mktcotton.com/az/job/insan+resurslari+uzre+odenishli+yay+tecrube+proqrami?sources=Jobsearch.az

Vəzifə öhdəlikləri:

İnsan Resursları üzrə təcrübəçi çalışdığı bölmə üzrə İnsan resursları üzrə mütəxəssislərin rəhbərliyi altında aşağıdakı işləri icra edir:

İşə qəbul komandası ilə:

• Yaranan vakansiyaların qarşılanması, uyğun namizədlərin tapılması yönündə aktiv iştirak edir;
• Mövsüm dövrünə hazırlıq zamanı ən azı 1 ay əvvəldən tələb olunacaq işçilərin sayını və vəzifələrini yerli rəhbərliyə təqdim etmək üçün araşdırma edir;

Sənədləşmə komandası ilə:

• İşçilərin şəxsi işlərini formalaşdırır, səliqəli saxlayır;
• İşə qəbul, işdən azad, vəzifə dəyişikliyi, məzuniyyət, ezamiyyət və istehsalat əmrlərinin verilməsinə yardım edir;

Payroll komandası ilə:

• İşçilərinin əmək haqqı hesablanmasına yardım edir;
• Əmək qanunvericiliyinə, əsasnamə və təlimatlara əsasən işə qəbul edilən, işdən işdən azad edilən, vəzifə dəyişikliyi, sənədləşmə işlərini həyata keçirilməsində kömək edir;
• Kadrlar üzrə tələb edilən hesabatların hazırlanması və vaxtında təqdim edilməsini həyata keçirir;

Təlim və inkişaf komandası ilə:

• Təlim bazarı araşdırması edir, təlim şirkətləri ilə əməkdaşlıq üzrə danışıqlar aparır, şirkətin ehtiyacları ilə qarşılaşdırır;
• Təlimlərin təşkilində iştirak edir, təlim sorğuları keçirir;
• Rəqəmsal öyrənmə üzrə araşdırma edir və təşəbbüslər göstərir.

Tələblər:

• Müvafiq sahə üzrə ali təhsil (Biznesin idarə olunması, iqtisadiyyat, Beynəlxalq əlaqələr, İctimaiyyətlə əlaqələr və digər);
•  Azərbaycan dilini səlis, rus dilini orta səviyyədə bilməsi üstünlükdür;
• Müntəzəm işgüzar səfərlərdə iştirak etməyə hazır olmaq.

Səriştələr:

• Məsuliyyətli
• Şəxsi inkişafa meylli
• Pozitiv
• Özünütəşkiletmə qabiliyyəti
• Nailiyyət yönümlülük
• Etibarlılıq
• Dürüstlük

Əlavə məlumat:

• İş qrafiki: Beş günlük iş həftəsi (09:30-18:30);
• İş yeri: Bakı şəhəri, Qafqaz Business Center.

“MKT İK” MMC şirkəti – irqindən, etnik mənsubiyyətindən, dinindən, dilindən, cinsindən, ailə vəziyyətindən, ictimai-sosial mənşəyindən və əqidəsindən asılı olmayaraq hamı üçün bərabər imkanlar yaradan bir şirkətdir.

Əgər özünüzü bu vakansiyanın tələblərinə uyğun hesab edirsinizsə və ölkənin lider pambıq istehsalçısı olan “MKT İK” MMC-da karyeranızı davam etmək, peşəkar və mehriban komandanın bir hissəsi olmaq istəyirsinizsə aşağıdakı linkə daxil olaraq müraciət edə bilərsiniz.