Hesablaşmalar üzrə Kiçik Mütəxəssis
vakansiya — 2024

İşiniz nədən ibarətdir?

• Mərkəzləşdirilmiş arxa ofis kimi müştəri məmnunluğu və loyallığına nail olunması;
• Əməliyyat fəaliyyətləri zamanı əlavə xərclərin qarşısını almaq üçün daxili və xarici müştərilərə yüksək səviyyədə xidmət göstərilməsi;
• Bütün nağdsız əməliyyatların səmərəli, şəffaf və dəqiq icra edilməsi;
• Müvafiq daxili və xarici qayda və prosedurlara uyğun olaraq müştəri əməliyyatları zamanı daxili və xarici müştərilərə dəstəyin göstərilməsi;
• Daxili və xarici müştəri ilə müsbət münasibətlərin saxlanılması və onların tam məmnunluğu və gözləntiləri üçün peşəkar məsləhətlərin verilməsi;
• Müştəri ödənişlərinin daxili proseslərə, ÇPY və TM siyasətinə, qanunvericiliyin tələbinə uyğunluğunun yoxlanılması;
• Müştəri məlumatının düzgün və yetərli olmasının yoxlanılması, növbəti icra ilə əlaqədar sənədlərin hazırlanması və tələblərin bank sistemində icra edilməsi;
• Tənzimləyici orqanların tələbinə əsasən məlumatların vaxtlı-vaxtında müvafiq sistemlərdə qeydiyyatının aparılması;
• Müştəri hesabatları da daxil olmaqla müvafiq sənəd dövriyyəsinin təmin edilməsi;
• ƏD proseduruna uyğun olaraq nağdsız əməliyyatlar şöbəsinin funksiyasının bir hissəsi kimi digər struktur bölmələrinə məlumat dəstəyinin göstərilməsi;
• Əməliyyatların icrasında ÇPY və TM üzrə şübhəli hallar aşkar edildikdə, Hüquq və Komplayns departamentinə məlumatların ötürülməsi və müvafiq tədbirlərin həyata keçirilməsi;
• Banklardan ödənişlərlə bağlı daxil olan sorğuların icra edilməsi, iddiaların səbəbinin araşdırılması, müştərinin vaxtında məlumatlandırılması və aşkar edilmiş problemlərin aradan qaldırılması üçün həll yollarının axtarılması;
• Müştəri ödənişlərinə dair müxbir banklar tərəfindən daxil olan komplayns sorğularına cavabın hazırlanması üçün məlumatın toplanması və cavablandırılması üçün əlaqəli struktur bölməsinə dəstəyin göstərilməsi;
• Şöbələr arasında təsdiq edilmiş XSM-nə uyğun olaraq, müştəri sorğuları ilə əlaqədar daxili və xarici müştərilərdən gələn tələblərin vaxtında cavablandırılması və icrası;
• Müştəridən daxil olan şikayətlərin idarəolunmasına dəstək, problemlərin müəyyənləşdirilməsi və prosedurların yoxlanılması, müştəri məmnunluğunu təmin etmək üçün müştəri ilə bağlı hər hansı problemli situasiyaların həll yollarının araşdırılması;
• Müştəri məlumatı ilə əlaqədar müvafiq hesabatların hazırlanmasında digər struktur bölmələrinə müştəri məlumatlarının təqdim edilməsində dəstək;
• Funksional sahə ilə əlaqədar prosedurların optimallaşdırılmasında iştirak;
• Əməliyyat gününün sonunda bütün əməliyyatların vaxtlı-vaxtında və dəqiq icrasını təmin etmək üçün müvafiq tranzit hesabların yoxlanılması və uyğunsuzluq aşkar edildikdə aradan qaldırılması üçün tədbirlərin görülməsi;
• Müştəri ödənişlərinin müxbir münasibətlərdə effektiv idarəedilməsi prosesinə dəstəyin göstərilməsi.

Sizdən nə tələb olunur?

• Təhsil: İqtisadiyyat və ya müvafiq sahədə üzrə Bakalavr təhsili
• İş təcrübəsi: Müvafiq sahə üzrə minimum 0-1 il
• Xarici dillər: orta səviyyədə İngilis dili (orta səviyyə) və Rus dili (orta səviyyə)
• Kompüter bilikləri: Microsoft Office
• Məhsul üzrə biliklər: Daxili siyasət, proseduralar və məhsul barədə məlumatlılıq
• Müvafiq qanunvericilik bilikləri
• Xəzinədarlıq
• Qeyri-kredit bankçılıq xidmətləri
• Fərdi bankçılıq məhsulları
• Ödəniş sistemləri sahəsində təcrübə
• Digər: İnnovativ düşünmə, hesabat hazırlama, güclü ünsiyyət, münaqişələrin həlli bacarığı

Müraciət edin:

Tələblərə cavab verdiyiniz halda, müraciətlərinizi e-mail ünvanına başlıqda “Hesablaşmalar üzrə Kiçik Mütəxəssis” qeyd edərək göndərməyiniz xahiş olunur.