İR Biznes Analitik
vakansiya — 2024

Nə istəyirik:

Namizədin aşağıda qeyd olunan istiqamətlər barədə məlumatlı olmasını, bunlardan ən az biri üzrə (bir neçəsi üstünlükdür) ən az 6 ay iş təcrübəsi olmasını:

• İş və iş yükü analizləri sahəsində;
• Biznesin İR baxımından təhlili sahəsində;
• İR idarəedilməsinin təşkilati inkişaf, fərdi inkişaf, biznes tərəfdaşlığı və s. sahələrində;
• Dərəcələndirmə sistemlərinin tərtibi sahəsində;
• Təşkilati strukturların tərtib olunması layihələrində;
• Vəzifələr və rollar, səlahiyyət və məsuliyyət matrislərinin hazırlanması və s. sahələrdə.

Digər istəklərimiz:

• İngilis dili və Rus dili bilikləri – özünü inkişaf etdirmək və təlimlərdə iştirak üçün lazımlıdır;
• Yüksək danışıq və yazışma bacarıqları – vəzifəsini keyfiyyətli icra etmək üçün gərəklidir;
• Analitik düşünmə və problem həlletmə bacarıqları – tapşırıqları təhlil etmək, işləri mükəmməl icra etmək üçün zəruridir;
• MS Excel (yüksək səviyyədə) – datalarla işləmək və hesabatlar hazırlamaq üçün vacibdir;
• MS Visio ilə işləməyi bacarmalı – iş axışı xəritələrinin hazırlanması üçün gərəklidir, minimal istifadəni özümüz də öyrədirik və göstəririk :);
• MS Projects (başlanğıc səviyyə) – işlərini və tapşırıqlarını, layihələrini planlaması üçün lazımdır;
• Zərurət olduğu təqdirdə, ezamiyyətlərə getməyə hazır olmalı – müxtəlif bölgələrdə ofislərimiz olduğu üçün, bəzən zərurət yaranır.

İcra edəcəyiniz fəaliyyət istiqamətləri:

• İş analizlərini icra etmək;
• İş yükü analizlərini icra etmək;
• Vəzifələr üzrə funksiyaların yenidən tərtib olunmasında iştirak etmək və təkliflər vermək;
• İR metrikaları ilə bağlı məlumatları müxtəlif mənbələrdən toplamaq və emal etmək;
• Emal etdiyi məlumatları statistik, riyazi və biznes yönümlü təhlil etmək, trendləri müəyyən etmək;
• Təhlil etdiyi məlumatları işə qəbul, işçi əldə saxlama, işçi motivasiyası, turnover, involvement, komplayns və s. İR prosesləri baxımından hesabatlara əks etdirmək;
• Təqdimatlar hazırlamaq;
• Əməkdaşların hədəf meyarlarına əsasən qısa və uzunmüddətli hədəflərə çatma faizləri və s. KPI-ların nəticələri ilə bağlı hesabatları tərtib etmək;
• KPI-ların və hədəflərin təyin olunması üçün təhlil nəticələri ilə dəstək vermək;
• Göstəricilərə və təhlillərə əsaslanaraq proseslər, prosedurlar və aktivlikləri inkişaf etdirərək təşkilatın inkişafına töhfə verəcək tövsiyələr vermək;
• İşçi axışını önləmək, əldə saxlamanı təmin etmək, işçi loyallığını, motivasiyasını və effektivliyini artıracaq təhlillərə əsaslanan tövsiyələr vermək;
• Vəzifələrin dərəcələndirilməsi və ya yenidən dəyərləndirilməsi proseslərində iştirak etmək və tövsiyələr vermək;
• Əmək haqqı sistemlərinin tərtibində iştirak etmək və tövsiyələr vermək;
• İnsan Resursları proseslərinin effektivliyini təhlil etmək və tövsiyələr vermək.

Nə vəd edirik:

• Mehriban və peşəkar kollektiv;
• Karyerada yüksəlmək imkanı;
• Komanda olaraq Bakı şəhərində və Azərbaycanın istirahət bölgələrində mütəmadi aktiv sosial fəaliyyətlər, “teambuilding”lər, asudə vaxt tədbirləri;
• Fərdi inkişaf proqramları;
• Yeni trendlərə uyğun daxili və xarici təlimlər;
• Holdingdə həyata keçirilən transformasiya prosesində zəngin təcrübənin qazanılması;
• Rəqabətədavamlı əməkhaqqı;
• Korporativ mobil nömrə;
• İş qrafiki : Tam iş günü (5 gün);
• İş saatları: 08:30-17:30;
• İş yeri: Yasamal ray., Mirəli Seyidov küç. (21 saylı məktəbin yaxınlığında).

Göstərilən tələblərə cavab verən namizədlərdən CV-lərini mövzu hissəsinə “İR Biznes Analitik” yazaraq göndərmələri xahiş olunur. Yalnız tələblərə cavab verən namizədlərlə əlaqə saxlanılacaqdır.