Auditor
vakansiya — 2024

Şirkət haqqda:

Avrora MMC artıq 30 ildir ki, ölkəmizin qida və içki istehsalı və distribüsiyası sahəsində aparıcı qüvvələrindən biridir. Şirkətimizin istehsal sahələri qazlı vitaminləşdirilmiş içkilər, un, makaron, qənnadı, karbon qazı və polietilen məhsulları istehsalı sahələridir. Beynəlxalq standardlara cavab verən fabriklərimizdə Doymak, Lafarella, Günaydın, Tanelli, Harika markalı makaronlar, Doymak və Günaydın, Harika markalı unlar, Bizon, Berg Glucose, Berg Skyline, Harika qazlı vitaminləşdirilmiş içkilər, GO və Stolichnaya spirtli kokteyllər, Çinarlı süfrə suyu, Kreki krekerləri, Sladena və Barovski peçenyeləri, Lafarella və Sladok vafliləri və digər brendlər istehsal olunur. Şirkətimiz ölkəmizdə qida sektoruna verdiyi töhfələrlə yanaşı, həm də insan kapitalının inkişafına qoyulan investisiyalar və uğurla yerinə yetirilmiş korporativ sosial məsuliyyət layihələriylə tanınır.

Əsas vəzifə öhdəlikləri:

• Audit planı və proqramı əsasında daxili audit yoxlamalarının həyata keçirilməsi;
• Audit prosedurlarının həyata keçirilməsi (biznes proseslərin sahibləri ilə müsahibələrin keçirilməsi, audit obyektindən məlumatın toplanılması və təhlil edilməsi);
• Risklərin qiymətləndirilməsi və idarə edilməsi üzrə prosedurların effektivliyinin yoxlanılması;
• Sahə işində aparılmış təhlillər və müsahibələr üzrə yazılı iş sənədinin hazırlanması;
• Daxili nəzarət mühitinin qiymətləndirilməsinə aid tapşırıqların yerinə yetirilməsi;
• Audit layihəsi üzrə hesabatın hazırlanmasında şöbə rəhbərinə dəstək göstərilməsi;
• Audit yoxlamaları nəticəsində şirkət siyasətlərinin, prosedurlarının, standartlarının və digər normativ sənədlərin tətbiq edilməsinə aid rəy verilməsi;
• Korporativ idarəetmənin və daxili nəzarət mühitinin qiymətləndirilməsilə bağlı testlərin aparılması və tapşırıqların yerinə yetirilməsi;
• Şirkətdə risk idarə edilməsinin inkişafına aid təkliflərin irəli sürülməsi, o cümlədən risk təhlillərinin aparılması qaydasına rəy bildirilməsi;
• Daxili audit yoxlamaları zamanı mənimsəmə və saxtakarlıq hadisələrinin araşdırılmasında departamentin adından iştirak edilməsi və risklərin qiymətləndirilməsinin aparılması;
• Departament büdcəsinin hazırlanmasında iştirak edilməsi;
• Şirkətin aylıq, rüblük və illik hesabatlarının yoxlanılması;
• Bütün növ iş sənədlərinin qorunub saxlanılması.

Tələb olunan bilik və bacarıqlar:

• Daxili audit qaydalarını bilməli;
• İqtisadi sahədə qanunvericiliyi bilməli;
• MS Office proqram bilikləri;
• Logo Tiger ERP üzrə biliklər;
• Beynəlxalq Mühasibat Uçotunun ilkin bilikləri;
• Maliyyə Nazirliyinin təsdiqlədiyi uçotun aparılması qaydalarını bilməli və tətbiqi təcrübəsi olmalı;
• Vergi Məcəlləsini bilməli və praktiki tətbiq edilməsində təcrübəsi olmalı;
• Mənimsəmə, saxtakarlıq kimi halları aşkar etmə və korporativ idarəetmə bacarığı;
• Problem həlletmə bacarığı;
• Səlist və aydın danışıq qabiliyyətinin olması;
• Diqqətlilik.

Tələb olunan təhsil, iş təcrubəsi və dil bilikləri:

• Təhsil: Ali (Mühasibat uçotu və audit,idarəçilik,iqtisadiyyat,maliyyə);
• İş təcrübəsi: Min. 2 il ( Mühasibatlıq, Maliyyə, Audit sahəsi üzrə)

İş şərtlərimiz:

• İş qrafiki: Tam iş günü (5 gün);
• İş saatları: 08:00-17:00 və ya 09:00-18:00;
• İş yeri: Bakı şəh., Aşıq Molla Cümə küç., 46C.

Biz nə təklif edirik:

• Əmək bazarında rəqabətli əməkhaqqı;
• Peşəkar komanda mühiti;
• Şirkət hesabına korporativ nömrə;
• Könüllü tibbi sığorta;
• Təlim və inkişaf imkanları.

Göstərilən tələblərə cavab verən namizədlərdən CV-lərini mövzu hissəsinə “Auditor” yazaraq hr@avrora.az ünvanına göndərmələri xahiş olunur. Yalnız tələblərə cavab verən namizədlərlə əlaqə saxlanılacaqdır.