Kateqoriya mütəxəssisi
vakansiya — 2024

Azərbaycanın tikinti materiallarının pərakəndə satışı üzrə ən böyük şəbəkəsi olan, 1994-cü il tarixindən ölkədə fəaliyyət göstərən “OMİD” MMC “FAB Group”un tərkibində fəaliyyət göstərməkdədir. OMİD Mağazalar şəbəkəsi əsasən İşıqlandırma, Elektrik, Elektrik əl alətləri, Xırdavat, İnşaat materialları, Boya məhsulları, Divar kağızları, İstilik və havalandırma, Məişət malları, Santexnika və Bağ-bağça məhsullarının topdan və pərakəndə satışını həyata keçirir.

OMİD Mağazalar şəbəkəsi Kateqoriya mütəxəssisi vakansiyasını elan edir.

Namizədə dair əsas tələblər:

• Ali təhsil və ya magistr dərəcəsi (Mühəndislik, İqtisadiyyat, Biznes İdarəetmə)
• Müvafiq sahədə 3 ildən az olmayan iş təcrübəsi;
• Microsoft Office proqramlarında sərbəst işləmək bacarığı;
• Təfərrüatlara, analitik düşünməyə və problem həll etmə bacarıqlarına diqqət etməli, məlumatları analiz etmə qabiliyyəti və iş prosesinə əks etdirə bacarığı;
• Komandada işləmək bacarığı;
• Azərbaycan dilində mükəmməl yazılı və şifahi ünsiyyət bacarığı (ingilis və ya rus dillərini bilənlərə üstünlük verilə bilər).

Əsas vəzifə və öhdəliklər:

• Məsuliyyət daşıdığı kateqoriyaların satış hədəfləri və KPI-larından cavabdeh olacaq və bütün kampaniyaların və strategiyaların planlaşdırılması və istismarını əlaqələndirəcəkdir;
• Yeni məhsul kateqoriyaları üçün sifariş və alış prosesləri həyata keçirmək;
• İş nəticələrinə görə lazımi tədbirləri tez bir zamanda həyata keçirəcəkdir;
• Büdcə, kolleksiya və marka seçimi, qiymət, kampaniya, endirim, məhsul izləmə və məhsul qruplarının idarəetmə proseslərini idarə etmək;
• Strukturlarla koordinasiyalı şəkildə ehtiyacları təhlil etmək və lazımi ehtiyacları müəyyənləşdirmək;
• Təyin olunmuş məhsul kateqoriyasında müvəffəq olmaq üçün qısa, orta və uzunmüddətli plan və strategiyaları yaratmaq;•
• Bazarda uğurlu olmayan məhsullar üçün çıxış strategiyaları müəyyən etmək;
• Trendləri və istehlakçıların ehtiyaclarını anlamaq üçün xüsusi məhsullar haqqında məlumatları təhlil etmək;
• Satışları artıracaq qiymət modellərini və promosyon fəaliyyətlərini müəyyənləşdirmək üçün müvafiq qruplarla əməkdaşlıq etmək;
• Hədəf satış büdcəsinin reallaşmasında və xərclərin idarə olunmasında rol almaq;
• Məhsulların satış həcmini yaxşılaşdırmaq üçün satış qrupuna dəstək vermək;
• Gəlir hədəflərinə çatmaq üçün kateqoriya planlarının hazırlanması və icrası;
• Satışların daha da artırılması üçün inventar səviyyələrinin idarə edilməsi;
• Mənfəət marjını artırmaq üçün strategiyaların hazırlanması və dəyişikliklərin edilməsi;
• Daha yaxşı qiymət və xidmət keyfiyyətinə nail olmaq üçün satış komandasında inam ruhunu inkişaf etdirmək;
• Qiymət dəyişiklikləri ilə satıcılarla görüşərək müvafiq strukturları xəbərdar etmək;
• Müştəri ehtiyaclarını təhlil etmək və satışları artırmaq üçün məhsul promosyonlarının hazırlanması;
• Müştərinin məhsul keyfiyyəti şikayətlərini idarə etmək, təchizatçı işbirliyi ilə keyfiyyət standartlarını yüksəltmək;
• Sektor trendləri və bazar rəqabəti ilə bağlı araşdırmalar aparmaq;
• Şirkət məhsullarını tanıtmaq üçün sektoral tədbirlərdə iştirak etmək;

İş şəraiti:

• Həftə ərzində 6 günlük iş qrafiki
• İş saatı: 09:00-18:00
• Əmək haqqı 1200 manat
• Cinsi – kişi
• Yaş həddi : 23-40
• AR Əmək Qanunvericiliyinə uyğun sənədləşmə

Maraqlı namizədlərdən xahiş olunur ki, mütləq şəkildə şəkilli CV-lərini e-mailin mövzu hissəsində “Kateqoriya mütəxəssisi” sözlərini qeyd edərək habib.valiyev@omid.az -ünvanına göndərsinlər.

İşə qəbul prosesinin növbəti mərhələləri üçün yalnız tələblərə cavab verən namizədlər dəvət olunacaqlar.