Mexanika üzrə Keyfiyyətə Nəzarət mühəndisi
vakansiya — 2025

Vəzifə öhdəlikləri:

• Layihənin mexanika bölümün dərindən araşdırmaq və düzgünlüyünü yoxlamaq;
• Mexanika layihələrini layihəçi və subpodratçı ilə müzakirə etmək;
• Mexanika işləri üzrə subpodratçının işinin keyfiyyətinə nəzarət etmək;
• Layihə çizgilərinin digər mühəndislik sahələri və memarlıq cizgiləri ilə koordinasiyasını təhlil etmək;
• Layihə şirkətlərindən təhvil alınan mexaniki layihələrin standartlara uyğunluğunu, sistemin tam şəkildə işləkliyini yoxlamaq və aşkar olunan problemli sahələri layihəçi şirkətlərə və öz rəhbərlərinə bildirmək;
• Mexanika layihələri üçün seçilən cihaz və avadanlıqların seçiminin düzgünlüyünü yoxlamaq və layihəçi ilə görüş təşkil edərək sistemlərin təhlilini aparmaq;
• Tikinti sahəsində mexaniki işlərin təhlili,yoxlanılması və koordinasiyanı təşkil etmək;
• Mexaniki avadanlıqları və cihazların təsdiq edilmiş layihə sənədləri və göstəriciləri əsasında spesifikasiyalarını təyin etmək;
• Layihənin sonunda son texniki dəyərləndirməni və yoxlamanı yerinə yetirmək;
• Mexanika avadanlıqlarının quraşdırılması və onların testini idarə etmək;
• Podratçı və subpodratçı müqavilələri əsasında işlərin icrasına nəzarət etmək;
• AutoCAD proqramından istifadə edərək, bütün təsvirləri hazırlamaq;
• Tikinti, elektrik, su çəkilişi (MEP) və istilik, havalandırma və isitmə (HVAC), o cümlədən inşaat qurğularının müxtəlif aspektləri ilə bağlı layihələndirilməsi və tikinti planları, təsvirləri və spesifikasiyalarını nəzərdən keçirmək;
• Hesabat hazırlayıb yerinə yetirilmiş işlərin ətraflı qeydlərini aparmaq;
• Podratçıların layihə hazırlanmasına nəzarət etmək, MEP standartlarına uyğun olaraq sənədləri nəzərdən keçirmək;
• Layihənin təhlükəsizliyinə dair qaydaları tətbiq etmək;
• Layihələrin müəyyən edilmiş keyfiyyət göstəricilərinə uyğun olaraq zamanında və verilmiş büdcə çərçivəsində qənaətbəxş şəkildə tamamlanması məqsədilə tikinti işlərinin monitorinqini aparmaq və hesabat təqdim etmək;
• Müfəssəl fəaliyyət planlarının tərtib edilməsinə yardım göstərmək, daxili sənədlərin təqdim olunmasını həyata keçirmək və ya əməkdaşlıq edən şirkətlərin rəy və təkliflərini əldə etmək;
• Tikinti üzrə bütün təfsilatlı çertyojlar barədə qeydlər aparmaq və məlumat bazasını sənədlər üzrə yeniləmək;

Namizədə olan tələblər:

• Mühəndis-mexanik ixtisası üzrə ali təhsil
• Mexanika mühəndisi olaraq inşaat sektorunda İSO standartlarına uyğun işini təşkil edən şirkətdə ən az 3 il (fasiləsiz) iş təcrübəsi olmalı (Beynəlxalq şirkətdə işləyənlərə üstünlük verilir);
• MS office və AutoCAD proqramlarını əla səviyyədə bilməli;
• Azərbaycan və ingilis dillərini əla səviyyədə bilməli;
• Məsuliyyətli, dəqiq və işini vaxtında, keyfiyyətli təhvil verməli;
• Komandada işləmək bacarığına sahib olmalı;
• Analitik düşünmə qabliyyəti;
• Analiz və idarəetmə bacarığı.

Digər tələb və şərtlər:

• Yaş həddi: 27-50
• Əmək haqqı 2000-2500 AZN (təhsil, iş stajı, iş bacarığı və s. nəzərə alınmaqla əmək haqqı qarşılıqlı razılaşma əsasında müəyyən olunur.)
• İş rejimi: 6 günlük iş həftəsi
• Nahar şirkət tərəfindən verilir

Qeyd olunan tələblərə uyğun namizədlərdən öz CV-lərini Azərbaycan dilində elektron ünvanına mövzu yerinə “Mexanika üzrə Keyfiyyətə Nəzarət mühəndisi” yazaraq göndərmələri xahiş olunur. Yalnız seçilmiş namizədlər müsahibəyə dəvət olunacaqlar.

Mənbə: jobsearch.az