Keyfiyyətə nəzarət və qida təhlükəsizliyi üzrə menecer
vakansiya — 2024

• Vəzifə: Keyfiyyətə nəzarət və qida təhlükəsizliyi üzrə menecer
  İş yeri: Şabran, Abşeron, Bakı
  Şöbə: Keyfiyyətə nəzarət və qida təhlükəsizliyi şöbəsi
  Hesabat verir: Daxili Audit və Nəzarət Departamentinin Direktoruna
  Tabeçilikdə işçi: Yoxdur

Namizədə tələblər:

• Sahə üzrə ali təhsil
• Minimum 3 il qida sənayesində iş təcrübəsi.
• Keyfiyyətə nəzarət, qida təhlükəsizliyi və halallıq üzrə müvafiq sertifikatlar
• Microsoft Office üzrə kompüter bilikləri

Əsas vəzifə öhdəlikləri:

• Qida məhsullarının ilkin istehsalı, tədarükü, emalı, qablaşdırılması, saxlanması, daşınması, dövriyyəsi (o cümlədən idxal-ixrac əməliyyatları) daxil olmaqla qida zəncirinin bütün mərhələlərində qida məhsullarının təhlükəsizliyinə effektiv nəzarətin təşkil olunmasında və bununla bağlı Cəmiyyətin siyasətinin hazırlanmasında və həyata keçirilməsində iştirak etmək;
• Qida təhlükəsizliyi sahəsində risklərin təhlilini, qiymətləndirilməsini, idarə edilməsini və risklər haqqında məlumatlandırmanın həyata keçirilməsinə nəzarət etmək;
• Fəaliyyət istiqamətləri üzrə aparılan araşdırmalar, monitorinqlər, yoxlamalar, ekspertizalar və onların nəticələri ilə bağlı görülən işlərə dair məlumatları təhlil etmək və Rəhbərliyə hesabatlılığının təmin olunmasında iştirak etmək;
• Keyfiyyətə nəzarət sahəsində Azərbaycan Respublikasının qanunvericiliyinə və digər normativ – hüquqi aktların tələblərinin yerinə yetirilməsinə nəzarət etmək və Qida təhlükəsizliyi və Halallıq üzrə sertifikatların alınması və digər məsələlərin həlli üçün müvafiq Dövlət Qurumları ilə əməkdaşlıq etmək;
• Qida təhlükəsizliyi sahəsində mövcud vəziyyətin təhlil edilməsi, müvafiq sahənin inkişafı və Cəmiyyətdə nəzarət sisteminin təkmilləşdirilməsi barədə təkliflərin hazırlanmasında iştirak etmək;
• İstifadəyə yararsız yeyinti məhsullarının zərərsizləşdirilməsi və utilizasiyası (təkrar emalı, təyinatının dəyişdirilməsi və ya məhv edilməsi) barədə qanunla müəyyən edilmiş hallarda və qaydada qərar qəbul edilməsi üçün təkliflər vermək;
• Qida təhlükəsizliyi sahəsinin inkişafı üzrə prioritetlərin müəyyən edilməsində, proqramların, inkişaf konsepsiyalarının hazırlanması və həyata keçirilməsində iştirak etmək;
• Qida zəncirinin müvafiq mərhələlərində işləyən şəxslərin işə qəbul olunmazdan əvvəl və işlədikləri müddət ərzində Azərbaycan Respublikasının Səhiyyə Nazirliyi ilə birlikdə müəyyən edilmiş qaydada və müddətdə məcburi tibbi müayinədən keçmələrinə nəzarətin təşkili ilə bağlı təkliflər hazırlamaq;
• Məhsullara reklam xarakterli etiketlərin yerləşdirilməsi qaydalarının işlənib hazırlanmasında birbaşa iştirak etmək və ya təkliflər vermək;
• Şöbənin əməkdaşları tərəfindən xidməti vəzifələrini yerinə yetirərkən onlara məlum olan xidməti məlumatların, kommersiya sirrinin qorunmasını qanunvericiliyə uyğun olaraq təmin etmək;
• Vəzifəsinin mahiyyətinə aid olan, Rəhbərlik tərəfindən verilən digər tapşırıqları icra etmək, kimi vəzifələri yerinə yetirir

CV-lərinizi CV@saba.az elektron ünvanına, mövzu yerinə vakansiyanın adını yazmaqla göndərməniz xahiş olunur. Yalnız tələblərə uyğun namizədlər seçilərək iş görüşmələrinə dəvət olunacaq.

Əmək haqqı bazarda olan təkliflər arasında rəqabətli səviyyədə təklif olunur.

CV-lərin təqdim edilməsi üçün son tarix 01 May 2021.