Maliyyə analitiki
vakansiya — 2024

HAQQIMIZDA

Avrora Ticarət Şirkəti 01 noyabr 1993-cü ildə yaradılmışdır. Şirkət fəaliyyət istiqamətlərini genişləndirmək məqsədi ilə 2001-ci ildə Avrora MMC olaraq rebrendinq etmiş və yenidən qeydiyyatdan keçmişdir. Avrora fəaliyyətinə yerli və xarici zavod və fabriklərin istehsal etdikləri məhsulların ölkəmizdə dağıtımını həyata keçirməklə başlayıb. Avrora Qrup hal-hazırda ölkəmizin ən aparıcı distributor şirkətlərindən biridir.

Avrora Qrup öz fəaliyyətini hal-hazırda 2 istiqamətdə – Distributor və İstehsal üzrə davam etdirir. Beynəlxalq şirkətlərin, zavod və fabriklərin etibarlı partnyoru olan Avrora Grup-un portfoliosuna Danone, Ehrman, Rolton, Hochland, Chivas, Glenfiddich kimi aparıcı şirkətlər daxildir. Avrora distributor fəaliyyətini daha peşəkar və kəsintisiz həyata keçirmək üçün mərkəzi ofis Bakı olmaqla Gəncə, Lənkəran, Bərdə, Quba, Göyçay, Şəki və Saatlıda da lokal ofisləri fəaliyyət göstərir. Şirkətin ümumi sahəsi 20437 kv/m olan loqistika mərkəzləri vardır. Avrora Distribyuter hal-hazırda 12000-dən çox ticarət nöqtəsinə 800-dən çox brendin satışını həyata keçirir.

Avrora Qrup eyni zamanda Azərbaycanın aparıcı istehsal şirkətlərindən biridir. Avrora Qrup-un Makaron fabriki, Qənnadı fabriki, Qazlı içkilər fabriki və Un və yem istehsalı fabriki vardır.

Elan : “Maliyyə analitiki”

İşin qısa təsviri :

Müvafiq hesabatların və büdcənin hazırlanması, maliyyə hesabatlarının analizinin həyata keçirilməsi.

Sizin əsas vəzifə öhdəlikləriniz :

• Maliyyə hesabatlarının hazırlanmasında iştirak edilməsi;
• Cari Xərclərin yoxlanılması və təsdiq olunması;
• Maya dəyərinin analizi və kənarlaşmaların müəyyən edilməsi;
• Büdcələrin hazırlanması və təsdiq edilən büdcələrin izlənilməsi;
• Maliyyə hesabatlarının analizi və maliyyə əmsallarının hesablanması;
• Satış hesabatlarının hazırlanması və təhlil edilməsi;
• Malların marjinallığının hesablanması və təhlil edilməsi.

Sizdən tələb olunan sahə üzrə səriştə və bacarıqlar :

• Beynəlxalq maliyyə hesabatı standartları haqqında biliklər (F3);
• Potensial investisiya imkanları üzrə maliyyə-iqtisadi vəziyyətin təhlilinin aparılması bacarığı;
• Biznesin planlaşdırılmasına dəstək vermək üçün biznes haqda dərin və ətraflı anlayış;
• Yüksək səviyyəli analitik bacarıqlar və strateji məlumatlılıq
• Yüksək qavrama və öyrənmə qabiliyyəti;
• Güclü analitik qabiliyyət və riyazi düşüncəyə malik olması;
• Problemləri həll etmə bacarığı;
• Dəqiqlik, detallara diqqət yetirmək qabiliyyəti.

Sizdən tələb olunan təhsil və iş təcrübəsi :

• Təhsil : Ali ( İqtisadiyyat, maliyyə və ya biznesin idarə olunması sahəsində);
• İş təcrübəsi : Mühasibatlıq və yaxud maliyyə sahəsində ən az 6 aylıq iş təcrübəsi;
• Dil bilikləri : Azərbaycan və ingilis dilləri mükəmməl, rus dili üstünlükdür;
• Kompüter bilikləri : MS Office proqramlarından (yüksək səviyyədə Excel və maliyyə sertifikasiyası üzrə biliklərinin olması arzu olunandır) istifadə etmək bacarığı.

Bizim iş şərtləri :

• İş qrafiki : Tam iş günü (5 gün);
• İş saatları: 09:00-18:00;
• İş yeri : Bakı şəhəri;
• Nahar şirkət tərəfindən təmin olunur;
• Tibbi Sığorta ilə təminat.

Biz nə təklif edirik :

• Karyera və peşəkar inkişaf üçün əla imkanlar;
• Təlim və inkişaf proqramlarının geniş çeşidi;
• Mükəmməl peşəkar komanda və mehriban mühit;
• Sağlamlıq və həyat sığortası.

Göstərilən tələblərə cavab verən namizədlərdən CV-lərini mövzu yerinə “Maliyyə analitiki” yazaraq hr@avrora.az ünvanına göndərmələri xahiş olunur. Yalnız tələblərə cavab verən namizədlər müsahibəyə dəvət olunacaqdır.