Məsafədən Satış Qrupunun Rəhbəri (müvəqqəti)
vakansiya — 2025

İşiniz nədən ibarətdir?

• Bütün seqmentlər üzrə cari və potensial müştərilərə telefon vasitəsilə əlaqə yaradılmasına, onların banka müştəri kimi cəlb edilməsini təmin etmək üçün bütün məhsul və xidmətlər haqqında məlumatın verilməsinə və satışlara nəzarət;
• Bütün seqmentlərə aid müştərilər ilə danışıq zamanı müvafiq danışıq mətnlərinin (skriptlərin) yenilənmiş və düzgün olmasına nəzarət edilməsi;
• Bütün seqmentlərə aid yeni və potensial müştərilərin yeni məhsul və xidmətlər barədə məlumatlandırılması zamanı əlavə olaraq çarpaz satışların aparılmasına nəzarətin təmin edilməsi;
• Komanda üzvlərinin davamiyyəti və işlərinin düzgün aparılmasına nəzarət;
• Komanda daxili və digər əlaqəli strukturlar ilə münasibətlərin tənzimlənməsi və məlumatların düzgün mübadiləsinə nəzarət;
• Komanda üzvlərinin işinin keyfiyyətinə (daxili və xarici müştərilər ilə danışıq üslubu) nəzarət. Müştəri ilə aparılan danışıqların dinlənilməsi və təyin olunmuş müddət aralığında qiymətləndirilməsi;
• Məsafədən satış komandasının əməkdaşları tərəfindən görülən işlər üzrə müvafiq hesabatlılığının hazırlanması və bütün maraqlı tərəflər ilə paylaşılması (gündəlik, həftəlik, aylıq, illik və tələb olunanda);
• Komanda daxili və digər strukturlar ilə yaranan problemlərin həlli üçün müvafiq tədbirlərin görülməsi;
• Məsafədən satış komandasının və satışı həyata keçirilən məhsulların inkişafı üçün təkliflərin hazırlanıb maraqlı tərəflərə təqdim olunması;
• Məsafədən satış komandasının işinin effektivliyinin artırılması üçün yeni proqram təminatlarının araşdırılması;
• Məsafədən satış komandasının şəxsi inkişaf planının hazırlanması (işləri ilə bağlı təlimlər, sertifikat proqramları və s. iştirakı);
• Komandanın işində tələb olunan təsərrüfat malları, texniki avadanlıqlar, proqram təminatları və digər xərclərinin müvafiq ilin büdcəsinə daxil edilməsi üçün planın hazırlanması;
• Müştəri menecerləri və potensial müştərilər üçün görüşlərin təmin edilməsinə, markanın təşviqinə, və şirkət imicinin yüksəldilməsinə xidmət olunmasına nəzarət; Satış sahəsi üzrə tendensiyaları izləyərək müvafiq təşkilat və fəaliyyətlərə qatılmaq; Rəqib bankların təklif etdiyi məhsul və xidmətlərin şərtlərini anlamaq; Bankın imkanlarını və yerli bazarın boşluqlarını müəyyənləşdirmək üçün xarici bazarın izlənilməsinə nəzarət.