Təcrübə Proqramı (ödənişli)
vakansiya — 2025

Sizə nə təklif edirik?

• Regionun ən böyük logistik mərkəzində, peşəkarların əhatəsində təcrübə keçmək və çalışmaq imkanı;
• Yüksək komanda ruhunda əməkdaşlıq;
• Öz bilik və bacarıqlarınızı nümayiş etdirərək karyera qurmaq imkanları;
• Fərdi və peşəkar bacarıqlarınızı inkişaf etdirmək üçün əlverişli mühit;
• Seçiminizə müvafiq olaraq aşağıdakı sahələrdən birində bilik və bacarıqlara yiyələnərək gələcək kariyeranızda böyük nailiyyətlər əldə etmək;
• Təcrübə proqramının əhatə etdiyi sahələr:

1. Mühasibatlıq
2. Məlumatlarla iş
3. Maliyyə və təhlil

Peşəkar komandamıza qoşulmaq üçün nələr lazımdır?

• Ali təhsil  (Maliyyə,mühasibatlıq sahələrinə aidiyyəti üzrə təhsil);
• Azərbaycan dili əla səviyyədə, İngilis və Rus dili arzuolunandır;
• Fikrini dəqiq, dolğun və özünə əminliklə izah etmək;
• Gülərüzlülük, səliqəlilik və xoş görkəm;
• Yüksək səviyyədə yazılı və şifahi ünsiyyət bacarığı;
• Aktiv, məsuliyyətli və nəticəyə işləmək bacarığı;
• Yüksək araşdırma və tədqiqat bacarığı;
• Davamlı olaraq nəticələr əldə etmək və şirkətlə birlikdə böyümək arzusu;
• Yeni bilik və bacarıqlara yiyələnmək həvəsi, təşəbbüskarlıq;
• Komandanın bir üzvü olmaq üçün yeni iş mühiti və kollektivə çevik uyğunlaşmaq bacarığı.
• Görüş və təqdimatlarda iştirak;
• Dövri hesabatların hazırlanması və təqdim edilməsi.

Təcrübə Proqramı hansı fəaliyyətləri əhatə edəcək?

Mühasibatlıq üzrə:

• E-qaimələrin yazılması, müştərilələrlə üzləşmə aktların hazırlanmasında iştirak;
• İlkin uçot sənədlərinin toplanması, proqramda qeydiyyatı, saxlanılması prosesində iştirak;
• Ödənişlərin qəbulu və rəsmiləşdirilməsində iştirak;
• Kassa əməliyyatlarının aparılmasında iştirak;
• 1C proqramı ilə iş;
• Müştərilər ilə uzunmüddətli əlaqələrin qurulması metodlarını öyrənmək;
• Müştəri məmnuniyyətinin və xidmət keyfiyyətinin ölçülməsində iştirak;

Məlumatlarla iş üzrə:

• Müştəri məlumatlarının toplanmasında, monitorinqində iştirak;
• Müştərilərlə rəsmiləşdirmə üzrə görüşlərdə iştirak;
• Müştəri yüklərinin, vaqon məlumatlarının yerində yoxlanılmasında iştirak;
• Müştəri yüklərinin, vaqon məlumatlarının proqrama işlənməsində iştirak;

Maliyyə və təhlil üzrə:

• Məlumat bazası ilə işləmək;
• Məlumatların təhlili və hesabatların hazırlanmasını öyrənmək;
• Şirkətin maliyyə hesabatlarının hazırlanmasında, təhlilində iştirak;
• 1C proqramı ilə iş – proqramı öyrənmək, məlumatların proqrama daxil edilməsi və təhlillərin aparılmasında iştirak;

Peşəkar komandamıza qoşulmaq və karyeranızın inkişafına gedən yolda bizimlə birlikdə irəliləmək istəyirsinizsə CV-nizi 10 may 2022-ci il tarixinədək mövzu hissəsində seçdiyiniz istiqamət üzrə “Təcrübə proqramı – maliyyə”; “Təcrübə proqramı – mühasibatlıq”; “Təcrübə proqramı – sənədlərlə iş” yazmaqla göndərməyiniz xahiş olunur.