Texniki nəzarət üzrə inspektor
vakansiya — 2025

Müvəffəqiyyətli namizəd aşağıdakılardan məsul olacaq:

• SƏTƏM (Sağlamlıq, Əməyin Təhlükəsizliyi və Ətraf Mühitin mühafizəsi) standartlarına, qanunla müəyyənləşdirilmiş tələblərə, istismar qaydalarına, qurumun prosedurlarına riayət edilməsi.
• İşləyərkən iş təhlükəsizliyi tədbirlərini qəbul etmək və yerinə yetirmək, lazımi materialları və anbardan ehtiyat hissələrini götürmək, materiallardan yerində, doğru və qənaətcil istifadə edərək, öz səlahiyyətlərindən kənar vəziyyətlər haqqında rəhbərinə məlumat vermək.
• İş icazəsi prosedurlarına uyğun olaraq, SƏTƏM qaydaları çərçivəsində birbaşa rəhbəri tərəfindən zəruri hesab edilən tapşırıqları yerinə yetirmək. Keyfiyyətə nəzarət ilə əlaqəli müxtəlif sferalarda özünü daim təkmilləşdirmək, təlimlərdə müvəffəqiyyət göstərmək, təhlükəsiz, yüksək keyfiyyətdə, iş səlahiyyət sənədlərinə uyğun olaraq xətasız işləmək üçün qayğı göstərmək.
• NEZ balansında olan statik avadanlıqların (istilik dəyişdiriciləri, sobalar, reaktorlar, sütunlar, barabanlar,borular və s.) təftiş test planlarında (ITP) müəyyən edilmiş işləri izləmək və həyata keçirmək. Avadanlıqların təmirə ehtiyacı barəsində ilkin rəyi vermək,  təftiş – test nəticələri haqqında tekniki nəzarət üzrə baş texnikə məlumat vermək və müayinə testlərin nəticələrini texniki nəzarət hesabatında qeyd etmək.
• Qeyri-destruktiv müayinələri (PT,MPİ,UT, PMİ, RT,VT) həyata keçirmək, nəticələri texniki nəzarət hesabat formasına qeyd etmək və keyfiyyətə nəzarət baş texnikinə ötürmək.
• Aidiyyatı NEZ departamentləri və ya müqaviləli kənar təşkilatlar tərəfindən həyata keçirilən qeyri destruktiv testlər, termiki emal, hidrostatik test, boyalama, qumlama və s. fəaliyyətləri izləmək və üst rəhbərinə məlumat vermək.
• Anbarlarda, emalatxanalarda mövcud olan və ya NEZ-ə mədaxil edilən material və ya avadanlıqların təftiş işlərini həyata keçirmək və izləmək.
• Keyfiyyətə nəzarət üzrə mütəxəssis ehtiyac gördüyü halda qoruyucu klapanların sınaq testlərinə və kalibrasiyalarına nəzarət etmək.
• Təftiş, test, müayinə avadanlıq və cihazlarının reqlamentə əsasən istifadə etmək və  mühafizəsini təşkil etmək. Cihaz və avadanlıqların kalibrasiya müddətlərinin keçərliliyi və qüsurları barəsində keyfiyyətə nəzarət baş texnikinə məlumat vermək.
• Sahədə həyata keçirilən gündəlik keyfiyyətə nəzarət işləri ilə bağlı tabeliyində çalışdığı mütəxəssisə hesabat vermək.
• Məsul olduğu işlə əlaqədar mövcud qanunvericiliyin, daxili qayda və prosedurların, beynəlxalq standartların və təlimatların tələblərini yerinə yetirmək.
• Şirkətin siyasətinə, missiyasına, korporativ dəyərlərinə, habelə şirkətin etik qaydalarına, daxili prosedurlarına, təlimatlarına, strategiyalarına və məqsədlərinə uyğun hərəkət etmək; Bu məsələlərdə şirkət daxilində hər hansı uyğunsuzluq aşkar edildikdə, müvafiq bölmələrə məlumat vermək.
• İş saatları xaricində qəza və ya fors-major hallarında rəhbərindən gələn zənglərə cavab vermək, lazım olduğu halda əlavə vaxtda qalmaq.
• Rəhbərlikdən gələn digər tapşırıqları yerinə yetirmək.

Müvəffəqiyyətli namizəd olmaq üçün sizdən tələb olunanlar:

• SƏTƏM qaydaları limitində qapalı məkanda, yüksəkdə, zərərli mühitdə işləmək üçün fiziki və psixoloji baxımdan sağlam olmaq
• Müvafiq sahə üzrə minimum 2 il iş təcrübəsi
• Mühərrik və ya təzyiq altında işləyən avadanlıqların təmir və xidməti üzrə mexanik peşə təhsili arzu olunandır
• İstilik dəyişdiriciləri, sobalar, reaktorlar, sütunlar, barabanlar, borular və s. kimi statik avadanlıqların iş prinsipi və təftişi haqqında məlumatlı olmaq.
• EN9712 NDT – UT, MPI, LPT, RT Səviyyə 2 sertifikatlarından biri və ya bir neçəsi
• CSWIP 3.1 – qaynaq inspektoru arzu olunandır

Qeyd: Yalnız seçilən namizədlərlə əlaqə saxlanılacaq.